Група еколошки организации денеска одржуваат уште еден протест во Белград, на кој од властите во Србија е побарано да воведат мораториум за експлоатација на рудите литиум и бор, јави дописникот на МИА од Белград.
Организатори на протестот се иницијативата „Тргни – промени“ и „Здружението на еколошките организации на Србија“. Демонстрантите носеа транспарент „Србија не е на продажба“, што го поставија пред зградата на Претседателството на Србија.
Еколошките активисти и дел од граѓаните кои живеат во околината на Лозница, западна Србија, каде е рудното наоѓалиште за литиум и бор – Јадар, ноќеваат во шатори во паркот во Белград, пред влезот на зградата во кое е седиштето на претседателот на Србија, Александар Вучиќ. Тие бараат од Владата да предложи закон за забрана на ископување литиум и Парламентот да го донесе пред 15 февруари. За тој ден е закажано распуштањето на српскиот Парламент поради претстојните избори, најавени за 3 април.
Премиерката на Србија, Ана Брнабиќ претходно изјави дека поради краткиот рок не е можно да се донесе закон, со кој би се забранило истражување и експлоатација и преработка на литиум и бор во Србија.
Српската Влада на 20 јануари ја стопираше изградбата на рудникот за литиум, со поништување на. Тоа беше и едно од барањата на низата еколошки протести.