На подрачјето на Хрватска Костајница утрово се воведени вонредни мерки за заштита од поплави, откако нивото на Уна на таа водомерна станица во осум часот утринава изнесуваше +383 сантиметри, соопшти Дирекцијата за цивилна заштита.
Поради покачувањето на водостојот на реката Сава, кој за седум часа достигна 688 сантиметри кај Јасеновац, се подготвуваат редовни мерки за одбрана од поплави. Сава не може да ја прифати целата вода на Уна, чиј водостој се зголемува долж течението на реката, па се очекува дополнително покачување на нивото на водата.
Во Грачац за 24 часа наврнале 245,4 литри дожд на метар квадратен. Како што е соопштено, водата во моментов се повлекува, но причинета е голема материјална штета.