Припадници на силите на НАТО на Косово од мисијата КФОР вчера околу 17 часот спровеле синхронизирана патрола со припадници на српската војска на административната линија на границата меѓу Србија и Косово во општината Каменица, соопшти денеска КФОР.
Вчера и денеска, косовските медиуми пишуваа дека во близина на Каменица се забележани припадници на српската Жандармерија, а тоа предизвика реакции од повеќе косовски политичари.
Од 2008 година наваму, синхронизираните патроли рутински се спроведуваат заеднички од страна на КФОР и Војската на Србија долж границата, за да се обезбеди дека нема инциденти, соопшти денеска КФОР.
Од мисијата велат дека КФОР спроведува и заеднички патроли со косовските безбедносни сили во близина на административната линија, се наведува во соопштението.