Митрополитот црногорски-приморски Амфилохие повторно денеска се спротивстави на влезот на Црна Гора во НАТО и изрази надеж дека Североатлантскиот сојуз ќе се распадне.
Во Бога се надевам дека Црна Гора нема да влезе во НАТО, кој не бомбардираше, рече митрополитот Амфилохие.
Тој смета дека Црна Гора со влезот во НАТО само ќе стане дел од милитаристичката организација која според него врши насилство над светот.
„Зарем треба да помогнеме „томахавците“ и бомбите да ги претворат во рала и други алатки за обработка на земјата и за унапредување на општеството и на човековата заедница“, рече митрополитпт Анфилохие, по осветувањето на еден храм кај Херцег Нови.
Тој изрази надеж дека НАТО ќе се распадне. „Дај им Боже на нашите водачи мудрост да им помогнат на Европјаните и на Американците да се расформира НАТО. Тоа би бил најголемиот придонес на Црна Гора за Европа и Светот“, порача Амфилохие.