Лидерот на курдските бунтовници Абдула Оџалан предупреди дека мировните преговори меѓу Курската работничка партија (ПКК) и Турција ќе бидат прекинати, ако се дозволи борците од „Исламска држава“ (ИД) да извршат масовни убиства на луѓето во сирискиот курдски град Кобане.
Ако обидот за масакр ја постигне целта, тоа ќе стави крај на мировниот процес, се вели во изјава на лидерот на ПКК Оџалан, кој се наоѓа во затвор.
Изјавата беше објавена од пратеници од турската прокурдска партија, кои вчера го посетија Оџалан во затворот.
Борци од ИД го опколија градот Кобане од пред две седмици, поради што 150.000 Курди побегнаа во Турција.