Мицотакис ќе учествува на Самитот за Западен Балкан во рамките на Берлинскиот процес

Од:

Грчкиот премиер Кирјакос Мицотакис, преку видеоконференција, денеска ќе учествува на Самитот за Западен Балкан во рамките на Берлинскиот процес, со кој претседаваат Северна Македонија и Бугарија, јави дописничката на МИА од Атина.

dobivaj vesti na viber

Министерот за надворешни работи на Грција Никос Дендиас вчера пак, учествуваше видеоконференциската средба на шефовите на дипломатиите на земјите од Берлинскиот процес.

– Во фокусот, поддршката на ЕУ перспективата за Западен Балкан и регионалната соработка, напишаа на „Твитер“ и од грчкото МНР и самиот Дендиас.

Грчката поддршка за европската перспектива на земјите од регионот ја изрази и Мицотакис во четвртокот, за време на неговото видео обраќање на петтиот „Thessaloniki Summit 2020”.

– Нашата земја, имаше голема чест и тешка должност да биде првата балканска земја што се интегрираше во европското семејство. По падот на берлинскиот ѕид, се покажа како економски партнер на нејзините соседи и искрен политички сојузник на патот кон демократизацијата и отворената економија. Грција ќе остане доследна на истиот пат, поддржувајќи ја интеграцијата на Западен Балкан во Европската унија, секако со исполнети сите неопходни критериуми, истакна тогаш Мицотакис.

Би можело да ве интересира

Хојер: Иницијативата за заеднички пазар е добар пример за забрзување на реформската агенда

Лидерите од Западен Балкан ги потпишаа Декларацијата за заедничкиот регионален пазар и Декларацијата за зелената агенда

Катерина Павлова-Николовска

Мицотакис на Самитот во Софија ја потврди поддршката на Грција за европерспективата на регионот

Ана Ололовска

Ѓукановиќ: Берлинскиот процес има незаменлива улога во јакнењето на регионалната соработка

Ана Ололовска

Борисов: Земјите од Западен Балкан покажаа дека размислуваат и дејствуваат европски

Ана Ололовска

Само интегриран и поврзан регион може сигурно да чекори кон ЕУ, порача Заев

Ана Ололовска