Два дена по катастрофалниот земјотрес, спасувачките екипи во Албанија успеаја да извлечат жив 33-годишен маж од под урнатините.
Бројот на настрадани во земјотресот се зголеми на 49. Нов земјотрес ја погоди Албанија синоќа со интензитет од 4,8 степени според Рихтеровата скала.
Бројните спасувачки екипи од Албанија и од регионот, веќе четврти ден се обидуваат да пронајдат знаци на живот во разурнатиот Драч и околните населби.
Мажот, жител на Туман, населбата најблизу до епицентарот, беше извлечен во драматична акција од урнатините под кои помина цели два дена.
Потребно беше толку многу за специјалните тимови да ги отстранат тоните бетон и шут под кои беше затрупан младиот маж.