Францускиот претседател Емануел Макрон изјави дека денеска повторно доаѓа во Србија со едноставна порака – на Европската Унија и нејзините земји членки и треба силна и демократска Србија под нивно крило, а на Србија и е потребна силна и суверена ЕУ за да ги брани и промовира нејзините интереси притоа почитувајќи го својот идентитет.
„Како и Франција, јас сум убеден во тоа, Србија се стреми кон независност и суверенитет што може да ги обезбеди само ЕУ, поседувајќи ги средствата за нејзината стратешка автономија“, напиша Макрон во авторскиот текст за денешната „Политика“.
Францускиот претседател напиша дека ќе се изгради и стратешка автономија „на полето на индустријата во сите сектори каде што треба да се обединат на безмилосната меѓународна конкуренција, на полето на критичните суровини, лековите и вештачката интелигенција“.