Голема трагедија ја потресе Романија, двајца млади родители се удавија обидувајќи се да ја спасат својата деветмесечна ќерка во надојдениот Дунав, во близина на дивата плажа во Гостину, недалеку од градот Ѓурѓу.
Девојчето чудесно преживеа и сега е безбедно, пишува „Антена Обзерватор“.
Мајката (20) влегла во водата со бебето во раце, не сфаќајќи ја опасноста. Во еден момент, наишла на вдлабнатина во речното корито, а силните речни струи ги одвлекле. Таткото на девојчето (26) од брегот видел што се случува и без двоумење скокнал во водата за да ги спаси.
Тој успеал да ја одржи својата мала ќерка на површина сè додека друг спасител не ја презел, но за жал, и него го однела реката.
Нуркачите веднаш започнале потрага.
Телото на мајката било пронајдено денот по трагедијата, а телото на таткото потоа.