Бројот на мигранти и бегалци заглавени на островите во североисточниот дел на Егејското Море денеска е малку помал поради лошите временски услови во областа, јави дописникот на МИА од Атина.
Грчката полиција соопшти дека на островите Лезбос, Хиос и Самос има околу 8.607 лица, а пристигнувањето на нови мигранти е попречено од силните ветрови кои дуваат во регионот.
На Лезбос се идентификувани 5.143 бегалци и мигранти, а во последните 24 часа регистрирани се само 16 лица.
На Хиос во последните 24 часа не пристигнал ниту еден бегалец и мигрант, додека 2.941 лица кои се идентификувани, чекаат да заминат од островот.
На Самос во последните 24 часа регистрирани се 116 нови пристигнувања, додека 523 бегалци и мигранти чекаат да се качат на ферибот за Пиреја.