Главниот преговарач на британското Министерство за надворешни работи задолжен за консолидација на договорите меѓу Лондон и државите од Западен Балкан, Мајкл Дејвидсон денеска допатува во Белград на разговори со претставници на српските власти.
Како што јави Танјуг, на средби со претставници на Секторот за ЕУ при српската Влада и на Одделот за меѓународно правни работи при Министерството за надворешни работи на Србија, Дејвидсон ги претстави приоритетите на Лондон за консолидација на договорните односи меѓу Велика Британија и земјите од регионот, во рамки на процесот за истапување на државата од ЕУ.
На разговорите взаемно е заклучено дека Србија и Велика Британија го препознаваат интересот за зачувување на високото ниво на соработка и ќе настојуваат да обезбедат адекватна правна рамка што ќе гарантира континуитет и правна сигурност на граѓаните и компаниите од двете земји по завршувањето на процесот на Брегзит.