Косовски министер за спорт: Наскоро одлука за забрана на српски паралелни спортски активности

Од:

Косовскиот министер за култура, млади и спорт, Хајрула Чеку, денеска соопшти дека оваа недела ќе биде донесена одлука за забрана на развој на српските „паралелни спортски активности“ во Косово.

dobivaj vesti na viber

Овој потег уследи откако Србија ги спречи косовските боксери да учествуваат на Светското боксерско првенство што се одржува во Белград, поради државните симболи.

Чеку рече дека за препораките, врз основа на кои властите ќе преземат мерки, ќе одлучи Националниот совет за спречување и санкционирање на насилство и негативни појави во спортот. Тој потсети дека многу паралелни структури на српските федерации функционираат во Косово, што е спротивно на косовските закони.

За време на прес-конференцијата со косовската боксерска репрезентација во име на Владата на Косово, Чеку остро го осуди оневозможувањето на учеството на косовските спортисти на натпреварувањето во Белград. Тој додаде дека таквата одлука е кршење на сите меѓународни, спортски правила.

– Сметаме дека оваа одлука на организаторите на Светското првенство во Белград е донесена според директивите на Владата на Србија, рече Чеку. Тој додаде дека вчера било побарано од странските амбасади во Косово да реагираат и да овозможат заминување на косовските спортисти, но дека и покрај многуте барања, како на институционално, така и на ниво на спортски организации, на косовските спортисти не им било дозволено да одат на првенството. .

Косовскиот министер додаде дека „пристапот на Србија го надминува светот на спортот, претворајќи го во политичко прашање“.

Во меѓувреме се огласи и Европската унија, која побара од организаторот на првенството во Белград да овозможи рамноправно учество на косовските боксери.

– ЕУ целосно ја поддржува Меѓународната боксерска асоцијација во нејзините очекувања дека делегацијата на Боксерската асоцијација на Косово нема да биде третиран поинаку од делегацијата на која било друга членка на Асоцијацијата и дека на Косово ќе му биде дозволено да учествува рамноправно, изјави Петер Стано, портпарол на ЕУ.

Би можело да ве интересира

Курти за „Ел Паис“: Шпанија треба да нé признае, Каталонија не е истo што и Косово

Курти: Одлуката за регистрациите на возилата е во согласност со Уставот на Косово

Ана Ололовска

Столтенберг: НАТО е подготвен да интервенира на Косово ако е потребно

Горан Наумовски

Спахиу: Многу Албанци не веруваат дека Косово ќе постои како држава

А1он

КФОР го зголеми присуството и патролирањето на косовско-српската граница

А1он

Албанија му излезе во пресрет на Косово и ќе му дава струја за да се избегнат рестрикциите

Ана Ололовска