Косовскиот суд по втор пат денеска одби да го испорача британскиот свештеник обвинет во неговата земја за сексуално злоставување деца.
-Испорачувањето на британскиот државјанин Ендру Чарлс Кингстон Сопер не е дозволено бидејќи постои можност дека обвинението да е застарено, наведе судот во Пеќ.
Сопер има 73 години, а во бегство е од 2011 година откако беше обвинет за сексуално злоставување на пет ученици во приватното католичко училиште Свети Бенедикт во западен Лондон.
Свештеникот беше приведен во мај во пеќ каде што се криеше од европската потерница за негово апсење која беше издадена од Велика Британија.