Претседателката на Косово, Атифете Јахјага денес од високата претставничка на ЕУ за надворешна политика и безбедност, Кетрин Ештон побара општинските избори на 3-ти ноември да ги надгледува и група набљудувачи од ЕУ.
Во писмото до Ештон, Јахјага наведе дека како претседателка на Косово се залага да преземе се, за да се обезбедат слободни и правични избори, кои како резултат ќе имаат избор за легитимен претставник кој ќе го брани интересот на граѓаните.
-Затоа ви се обраќам, за да ја повикате мисијата на ЕУ да го надгледува текот на овие избори-стои во писмото на косовската претседателка.
Претстојните избори ќе бидат први локални избори, на кои се очекува да учествуваат четири општини од северот на Косово, каде што мнозинството се Срби.
Елена Георгиевска