Бугарските власти затворија градинка во селото Сливо Поле кај Русе, откако при тестирање на персоналот е откриен коронавирусот.
Според медиумите, заразени се деветмина вработени, што е половина од персоналот. Градинката ќе остане затворена до 15 септември, соопштија здравствените власти.
Првиот случај на Ковид-19 бил потврден во понеделникот кај еден од вработените во градинката. Две лица се наоѓаат во болница и се во генерално добра здравствена состојба, а седуммина се во домашна изолација, исто како и 19 деца од две групи.
Засега не е познато како вирусот се појавил во градинката, а и родителите и директорот на градинката велат дека ги почитувале сите заштитни мерки против ширењето на вирусот.