Пратениците на ХДЗ од Парламентот, ја сменија Јадранка Косор од местото претседател на Клубот на пратеници.
На нејзино место е поставен новиот претседател на партијата Томислав Карамарко, кој неодамна беше изгласан и за претседател на ХДЗ.
Карамарко после седницата изјави дека избрано е ново раководство на Клубот, а за потпретседатели се поставени Гордан Јадроковиќ и Иван Шукер, додека третиот потпретседател останува Даворин Млакар.
Иако се очекуваше, Карамарко сепак изјави дека не станало збор за тоа кој ќе биде потпретседател на Собранието, каде засега остануваат Јадранка Косор и Владимир Шекс. Карамарко вели дека Претседателството на ХДЗ понатаму ќе одлучува за ова прашање.
Јадранка Косор потврди дека нема намера да поднесе оставка од потпретседателската функција.
Вчера Томислав Карамарко за прв пат ја водеше седницата на Претседателството на ХДЗ, а Јадранка Косор воопшто не се појави во салата.