Европската комисија денеска ги соопшти 12-те градови финалисти за наградата за европска одржлива мобилност.
Јужна Митровица е единствениот град од Западен Балкан во трката и се натпреварува за категоријата “Планирање одржлива урбана мобилност“, заедно со Мадрид и Тампере. Во категоријата на големи општини со над 100 илјади жители се Амадора, Касел и Лилебургац, а малите општини се Алимос, Миахадас и Валонго. Конечно во категоријата за безбедност на сообраќајот се натпреваруваат Фиренца, Ретимно и Варшава.
Победниците ќе бидат соопштени на 28 март.
Европската комесарка за транспорт, Адина Валеан, им честиташе на финалистите и ги нарече пример за другите европски граѓани за тоа како се подобрува животот на граѓаните преку почист, зелен и едноставен превоз.
Извор: МИА