Косовската претседателка Атифете Јахјага упати апел до учесниците во протестите да не ја напаѓаат полицијата и да се разотидат.
– Лидерите на сите политички партии, на власта и опозицијата да почнат меѓусебен дијалог и да најдат заеднички јазик за решавање на отворените прашања, апелира Јахјага преку нејзиниот Фејсбук профил.
Според Јахјага, хаотичната и насилна состојба по улиците на Приштина е целосно неприфатлива.
– Апелирам за смиреност и враќање на редот по улиците и плоштадите на главниот град. Апелирам до демонстрантите кои се уште се по улиците на Приштина мирно да се разотидат и да не ја напаѓаат полицијата, институција одговорна за зачувување на редот и спроведување на законот, како и безбедноста на секој граѓанин во земјата. Тоа е нашата полиција, наведува Јахјага.
Таа нагласува дека инсититуционланите решенија и дијалогот се најдобрите начини за да се надминат созадените ситуации и додава дека потребно е заедничко дејствување за да се спречи ескалација на состојбата.
За попладнево заедничка прес-конференција закажана е на премиерот Иса Мустафа и заменик премиерот и шеф на дипломатијата Хашим Тачи.
Големи полициски сили се уште ги обезбедуваат државните инситуции.