Во Грачаница во централниот дел на Косово, каде што живее мнозинско српско население, денеска се одржуваат избори за градоначалник, јави Танјуг.
Изборите се одржуваат бидејќи поранешниот градоначалник Бранимир Стојановиќ беше назначен за вицепремиер во косовската Влада.
Во 27 избирачки места 22.229 граѓани со право на глас ќе можат да изберат меѓу четворицата кандидати.
За изборите во Грачаница се акредитирани 388 набљудувачи.
Избирачките места ќе бидат отворени до 19 часот.