Иринеј: Народот нема корист од поттикнување на протестите во Белград и Бања Лука

Од:

Патријархот на Српската православна црква (СПЦ) Иринеј изјави дека надворешните притисоци треба да доведат до засилено единството на народот и државата во одбраната на своите суверени права и интегритетот на земјата и дека тоа единство не треба да биде нарушено од внатрешни разлики.

– Социјалните проблеми и незадоволството што постои во некои слоеви во општеството не треба да го делат националниот идентитет, особено земајќи го во предвид формирањето на уште една албанска војска, спречувањето на снабдувањето на српските институции, болници, училишта… во Косово, рече патријархот Иринеј за весникот „Политика“ .

Тој оцени дека со голема загриженост ги следел демонстрациите на улиците на Бања Лука, затоа што, како што рече, оние кои „не и сакаат добро на Република Српска и на српскиот народ, со тоа беа среќни “, и додаде дека не гледа корист за народот од поттикнувањето на вакви протести во Белград.

– Можеби некој не гледа или не сака да види, но сите овие процеси се поврзани, рече патријархот Иринеј.

Тој порача дека властите и државата имаат обврска да ги зголемат своите напори за создавање на демократска атмосфера, мир и соработката во општеството, на решавање на проблемите на сите слоеви, особено на оние кои со своето високо образование и знаење треба да бидат модел.

Би можело да ве интересира

Мацут ја презеде функцијата премиер на Србија од Вучевиќ

Горан Наумовски

Изгласана новата Влада на Србија

Захарова за притисокот на ЕУ врз Србија: Евронацизмот повторно се раѓа пред нашите очи

Земјотрес во близина на Врњачка Бања

Мацут: Нашата надворешна политика мора да биде храбра и доследна, европската иднина е најдобриот одговор

Втор ден од собирот „Не ја даваме Србија“

А1он