Иранските хакери објавија мејлови со чувствителни и тајни материјали на албански ШИШ

Од:

По објавувањето на списокот на вработени во албанската тајна служба -ШИШ, како и податоци за првиот разузнавач Хелидон Бендо, хакерската група „Home Land Justice“ денеска ги објави и неговите мејлови.

Според албанските медиуми “има 433 дојдовни мејлови, 253 појдовни мејлови со чувствителни и тајни материјали”.

– Во објавените материјали има тајни информации за секојдневната работа на ШИШ, како и за набавка на опрема за надзор, или за набљудување на силите на непријателските земји, но и извештаи презентирани до Комисијата за безбедност или други обврски. Она што е уште почувствително е откривањето на кореспонденцијата што ја има шефот на ШИШ со агенти на оваа служба или лица кои се регрутираат како соработници, наведува Топ чанел.

Експертите од областа на безбедноста оценуваат дека „ова е најголемата штета направена на ШИШ”.

Сега, според нив, секој знае како функционира ШИШ, затоа „држвата мора да итно да интервенира за да ги заштити агентите, да ги смени нивните живеалишта и идентитети”.

– Гледајќи ја кореспонденцијата на шефот на ШИШ, се забележува невнимание и ниска заштита од ризик од кибер-напади, бидејќи има размена на мејлови со трети лица и испраќање чувствителни податоци по електронски пат, наведува телевизијата.

Додава дека објавувањето на овие податоци во PDF формат од хакери, исто така, ги изложува сите корисници на телефони кои ги преземаат овие материјали да станат жртва на овој кибер тероризам. Тоа, бидејќи PDF материјалите лесно се манипулираат и во моментот кога се преземаат на уред, тие го инфицираат со вирус.

Извор: МИА

Би можело да ве интересира

МАЕИ бара јавно извинување за етикетирање на македонската заедница во Албанија како „Северномакедонци“, од албанската амбасадорка во Софија

Муцај: Сигурен сум дека Македонија ќе најде решение со Бугарија

Албанија – прва земја од Балканот која го забранува ТикТок

А1он

Мицкоски: Граѓаните да не наседнуваат на провокации, упатувам порака за единство и смиреност

Во Албанија уапсен е водач на картел по запленувањето на 703 килограми хероин

Рама: Извештајот за напредокот на Албанија за 2024 година најпозитивен до сега

А1он