Високиот претставник на меѓународната заедница во Босна и Херцеговина Валентин Инцко ја поздрави одлуката на САД да воведат санкции на претседателот на Република Српска Милорад Додик, оценувајќи дека тие се од „големо симболично значење“.
– Милорад Додик си играше со оган и ја мина црвената линија. Ќе мора да живее со последиците, изјави Инцко за виенскиот весник „Стандард“.
Како резултат на санкциите, секој дел од имотот или интерес за имот на Додик, а кој е во посед или под контрола на лице од САД или се наоѓа во САД, мора да биде блокиран. Покрај тоа, генерално се забранети трансакции на државјани на САД, а кои го вклучуваат Додик.
Инаку, „Стандард“ оцени дека ситуацијата на Балканот генерално се влошила пред стапувањето на должност на новиот американски претседател Доналд Трамп.