Црвениот крст на Хрватска собра речиси 2,3 милиони евра хуманитарна помош за жртвите од поплавите во Хрватска, Србија и Босна и Херцеговина.
На сметката на хрватскиот Црвен крст до 20 мај се уплатени над 1,7 милиони евра. На телефонскиот број за донации се регистрирани 736.206 повици и донации во вредност од над 600.000 евра.
Донирањето помош се уште трае, а според Црвениот крст најпотребни се опрема и облека за деца и бебиња, детска храна, долна облека за деца и возрасни, хигинески материјали, прекривки и друго.