Претставници на центрите за деминирање на Храватска, Србија и БиХ се договорија секојдневно да разменуваат информации за состојбата на сомнителните мински подрачја, додека не се смири ситуацијата по поплавите кои ги зафатија овие три држави.
-Елементарната непогода нема граници и мините не познаваат граници- рече по состанокот директорот на Хрватскиот центар за деминирање, Дражен Јакопец и најави дека на поплавените подрачја кога ќе се создадат услови, повторно ќе бидат обележени сомнителните мински подрачја.
Во жупањска Посавина под вода се околу 2,5 квадратни километри сомнително подрачје. Директорот на Центарот за деминирање на Србија, Бранислав Јовановиќ рече дека и покрај тоа што Србија нема сомнителни мински површини, постои опасност Сава да донесе експлозивни направи, кои ќе го загрозат населението покрај реката.
Раководителот на Регионалната канцеларија на Брчко босанскиот- херцеговачки Центар за отстранување на мините, Есад Алетиќ изјави дека во поплавените подрачја во БиХ под вода се наоѓаат 30 милиони квадратни метри сомнителна минска површина.
Според неговите зборови, најтешка е состојбата на подрачјето на Орашје, Домаљевац, Шамац и Брчко.
-Оваа несреќа не обедини. Се обидуваме на сите начини, но ќе биде доста тешко – рече Алетиќ и додаде дека посебна опасност претставуваат минско експлозивните направи и оружје, кои многумина ги чуваат во подрумите и куќите кои што се поплавени.
Е. Г.