Грчката полиција уапси четворица млади момчиња во Солун под сомнение дека претепале 52-годишен маж пред да го фрлат од тераса, од висина од 6,5 метри.
Жртвата во моментов се наоѓа во болница поради повредите здобиени во нападот и од падот, објави Катимерини.
Инцидентот се случил по вербален конфликт во средата вечерта, а уапсените се на возраст од 20, 24, 34 и 35 години.
Се верува дека еден од уапсените е поврзан со жртвата.
Обвинителот поднесе кривична пријава за убиство во обид, нанесување тешка телесна повреда, недозволено носење и употреба на оружје, оштетување на имот и нарушување на јавниот ред и мир.
Полицијата на местото на настанот запленила метална прачка и нож.
Осомничените се појавиле пред истражен судија, кој им одреди мерка притвор.