Приватен хеликоптер се урна денес во близина на пристаништето Вулијагмени, јужно од Атина, соопштија грчките власти.
Според првите информации од грчкото Министерство за бродарство, пет лица од леталото се спасени, објавува „Катимерини“.
Четири странци и грчкиот пилот се во добра здравствена состојба, според соопштението на Министерството. Хеликоптерот паднал во морето за време на обидот на пилотот да слета на аеродромот Астерас во Вулијагмени.
Според првичните информации, хеликоптерот слетал на хелиодромот на пристаништето и набргу потоа се обидел да полета, меѓутоа, само неколку секунди по полетувањето од земјата, одеднаш се урнал, од причини кои сè уште се непознати, објавува порталот Прототема.
На местото на настанот владеел хаос, бидејќи областа била полна со капачи и посетители, додека сликите добиени од порталот го доловуваат моментот на падот и метежот што следел.
На местото на настанот пристигнале крајбрежната стража, противпожарната служба и полицијата, а нуркачите успешно извлекле пет лица од леталото.