Невработеноста падна на 11,9 отсто во февруари 2022 година, покажуваат податоците на Јуростат. И ова не е прво априлска шега, напиша на „Фејсбук“ министерот за труд и социјални работи на Грција Костис Хаѕидакис, јави дописничката на МИА од Атина.
Додаде дека податоците ги нагласуваат резултатите од нивните напори особено во период на големи тешкотии.
-Не само дека невработеноста е намалена за 5,3 процентни во однос на периодот на Владата на СИРИЗА (од 17,2 на 11,9 отсто). Исто така, од февруари 2021 година падна за 4,3 процентни поени. Важно е и тоа што невработеноста кај младите е намалена за 9,1 отсто во однос на февруари минатата година. И сето ова во период на коронавирус и додека повеќето аналитичари предупредуваа за токму спротивни резултати!, напиша Хаѕидакис и додаде дека „падот од 5,3 процентни поени со Владата на Нова демократија не е случајна“ и е според него е резултат на нивната политика.
Сепак, посочи дека стапката на невработеност останува висока, а „руската инвазија на Украина ја влошува економската клима низ цела Европа“, но „сепак сигурно е дека политиката на Владата е на добар пат“.
Извор: МИА