Секретарот за земјоделие во Војводина Горан Јешиќ објави на Твитер дека од 35 примероци за анализа на млеко во Војводина дури кај 29 е пронајдена зголемена вредност на афлатоксини.
– Од 35 примероци, 29 имаат зголемена вредност на афлатоксини. Сите производи имаат ист проблем, наведе Јешиќ.
Тој објасни дека проблемот е во исхраната и пченката која оваа година е подложна на контаминација.
Претходно тој наведе дека ситуацијата е „алармантна“ и додаде дека не гледа ниту една причина млекото кое е загадено да не се повлече од продажба.