Во пукотницата што се случи синоќа во близина на прифатниот центар за мигранти во Блажуј, во близина на Сараево, повредени се најмалку шест лица, а степенот на повредите се утврдува во Клиничкиот центар на Универзитетот во Сараево, каде што се транспортирани ранетите. Засега нема информации дали има жртви.
Според првите неофицијални информации, група пакистански државјани учествувале во голем конфликт меѓу криминални групи кои престојуваат во мигрантскиот камп.
Локалните жители известија дека околу 21.25 часот, во кампот за мигранти се слушнале повеќекратни рафали од огнено оружје и дека ситуацијата била хаотична.
Полицијата на сараевскиот кантон потврди дека неколку лица се повредени, меѓу кои и некои со сериозни повреди.
На терен се голем број полицајци и екипи на брза помош.