Голем одзив на граѓани денеска е забележан во Заводот за трансфузија на крв, откако претходно институцијата апелираше до граѓаните да даруваат крв, по несреќата што се случи на Железничката станица во Нови Сад кога се урна настрешницата.
Тековните крвни резерви на О и А крвни групи се намалени. Како што јави РТВ, сите здрави машки и женски лица на возраст од 18 до 65 години можат да даруваат крв доколку ги исполнуваат здравствените услови и критериуми по лабораториски и лекарски преглед, кој се врши во рамките на крводарителството. Секој што се чувствува добро и се смета себеси за здрав може да биде потенцијален крводарител.