Припадници на српското МВР во Краљево ги уапсија браќата Д.В.(25) и Д.В.(26) од Трстеник, како и К.Р.(21) од Крушевац, З.В.(41) и Д.Л.(73), двајцата од Трстеник поради постоење основи на сомнение дека сториле кривично дело тешко убиство.
Се сомничат дека, синоќа околу 22 часот по расправија и тепачка пред угостителски објект во местото Рудно кај Краљево, со него влегле во автомобил „фолксваген“ и додека го управувал возилото, тие го удриле неколку пати по главата и телото.
Потоа, како што се сомневаат истражителите, Д.В.(25) го расекол неколку пати со нож, по што жртвата излетала со возилото од патот. Браќата Д.В и Д.В продолжиле да го тепаат четириесет и едногодишниот маж, кој од повредите починал на лице место.
Петмината осомничени се обвинети дека за да го сокријат извршувањето на делото, телото на четириесет и едногодишен маж го ставиле во таква положба што изгледало како да загинал во сообраќајна незгода.
На осомничените им е одредена мерка притвор до 48 часа и со кривична пријава ќе бидат изведени во Вишото јавно обвинителство Краљево.