Германската војска во ноември оваа година ќе се повлече од БиХ, пишува денеска весникот „Независне новине“, а германските медиуми оценуваат дека со ваквата одлука, без консултација со другите, Германија испратила важна порака.
Весникот објави дека Германија ги повлекува своите 10 војници бидејќи смета дека полициските и воените сили во БиХ се способни сами да се грижат за својата безбедност. Веста е објавена откако, според германските медиуми, во јавноста се појави тајно писмо на германскиот министер за надворешни работи Гвидо Вестервеле и министерот за одбрана Томас Маициро за ангажманот на Германија во БиХ.
Германските медиуми пишуваат дека оваа одлука сепак е многу сериозна, бидејќи постојат големи отпори на намалување на странското присуство во БиХ.