Кандидатот за претседател на претстојните избори во Република Бугарија, професорот Атанас Герџиков во емисијата „Лице в лице“ на бугарската телевизија БТВ ги коментираше односите меѓу Бугарија и Северна Македонија.
Како што јави дописникот на МИА од Софија, Герџиков порачал оти сакаат интеграција на сите земји на Западен Балкан, вклучително и Република Северна Македонија во Европската Унија.
Според професорот тие мора да ги исполнат обврските од Договорот за соседство и соработка.
– Додека овие обврски не бидат прифатени, Бугарија не треба да подлегне на каков било притисок, изјави тој.
Според Герџиков, во последните 24 часа за првпат имало позитивни сигнали и тој изрази надеж дека тие нема да бидат уште едно ветување без покривање.