Тепачки, турканици, фрлање камења и шишиња. Атмосферата во Будва и пред и по почетокот на геј парадата.
И покрај сите нереди и тензиите пред почетокот на Парадата на гордоста во Будва, кои продолжија и по 12 часот, групата ја започна својата прошетка.
Полицијата соопшти дека нема да дозволи никој да ја спречи парадата и да се покаже дека Црна Гора припаѓа на Европа која ги уважува различностите.
Претходно група млади луѓе ја каменуваа насобраната маса. Во стариот град на Будва летаа шишиња и чаши на сите страни, пренесуваат црногорските медиуми.
Полицијата фрли димна бомба со цел да ги растера напаѓачите, кои и кон нив започнаа да фрлаат со камења. Засега се уапсени тројца од напаѓачите. Најавата за геј парада наиде на револт претежно кај помладата популација, а синоќа беше одржан и антигеј собир.
Незадоволство од одржувањето на геј парадата во Будва искажаа и навивачите на фудбалскиот клуб Партизан од приморскиот град.
Сопствениците на ноќните локали во Будва вчера вечер, во знак на протест ја угаснаа музиката, а слични мерки најавија и за вечерва.