Последиците од поплавите во Параќин, поради излевање на реката Црница се застрашувачки, бидејќи водата зад себе остави многу поплавени објекти, смет и лешеви од животни. По повлекување на реката Црница, во Параќин е хаос.
-Уништени ми се три куќи, целото домаќинство. Спасив што можев. Замрзнувачот, шпоретот, се е под вода. Водената стихија дојде многу бргу, водата беше висока четири метри- вели Мирослав Стојановиќ од центарот на Параќин.
Како што пренесе „Блиц“ екипи од бугарски специјалци, помагаат во црпење вода од трафостаниците, со цел што поскоро да им се обезбеди струја на граѓаните.
-Дојдовме од Бугарија за да му помогнеме на поплавениот народ во Параќин. Ќе се потрудиме да се нормализира животот, што побргу- велат спасувачите од Бугарија.
Инаку водата во градот не е за употреба, поради што се поставени цистерни.
-Приоритет е да обезбедиме струја, а потоа ќе го решиме и водоводот. Поради исклучената струја немаме исправна вода за пиење. За два-три дена ќе го доведеме градот во ред- рече претседателот на општина Параќин, Саша Пауновиќ.
Луѓето од Параќи се самоорганизираа и им помагаат на загрозените. Под вода се уште се населбите Данково и Врапчане, како и околните села.
Е.Г.