Едно лице загинало, а 15 се повредени, од кои девет потешко, во судар на воз и автобус кај Дрниш во Хрватска денеска околу 8.30 часот.
До несреќата наводно дошло кога возот кој надоаѓал удрил во автобусот на железничкиот премин на кој не била спуштена рампата.
Возилата се судриле помеѓу местата Бадањ и Сивериќ, околу 500 метри пред преминот кај Дрниш кога возот од правец на Книн удрил во автобус на Аутотранспорт Шибеник кој се движел од Книн кон Дрниш.
Сите повредени, кои биле патници во автобусот, се хоспитализирани во Општата болница во Шибеник.
Полициската истрага за несреќата се уште трае, но според првичниве сознанија, најверојатна причина за судирот е неисправноста на рампите на пругата, кои не се спуштиле со надоаѓањето на возот.
Фото: Индекс