Европскиот комесар за проширување Штефан Филе денеска ќе ја посети Приштина каде што ќе се сретне со косовските претставници.
Ден претходно, Филе беше во посета на Белград, каде што порача дека нема нови услови за Србија за членството во ЕУ.
Тој го отфрли предлогот на Демократската странка на Србија, Европската комисија во следните документи да го изостави терминот „територијален интегритет на Косово“.
„Нема да ја изоставиме таа фраза, затоа што цврсто веруваме дека територијата е еден од елементите и дека не е одлучувачки фактор за државноста“, изјави Филе.