Европската унија ќе издвои вкупно 195 милиони евра за санирање на штетите од поплавите во Србија и БиХ, изјави денеска еврокомесарот за проширување Штефан Филе.
Тој на Донаторската конференција која се одржува во Брисел истакна дека станува збор исклучиво за средства од институции на ЕУ и дека во нив не се вброени донациите на одделни земји-членки.
– Од вкупно 195 милиони евра, 85 милиони ќе бидат издвоени за БиХ, 80 милиони за Србија, а 30 милиони за регионалните мерки за санирање на штетите, нагласи Филе, додавајќи дека ЕК побарала од земјите-членки дополнителни 123 милиони евра за натамошно обновување и превенција од поплавите.