Агенцијата Фич го намали хрватскиот кредитен рејтинг за едно ниво – на ВВ за долгорочно задолжување во странска валута и ВВ+ во домашна, јавуваат хрватски медиуми.
Агенцијата очекува продолжување на рецесијата. Тие искажуваат сомнение и дека државата во скоро време ќе може да го стабилизира јавниот долг.
Според медиумите, приходите од ДДВ потфрлиле и дефицитот расте поради што е можно до крајот на годината да нема средства за плати. Сепак, Хрватска се надева на приходи од туризмот иако и во таа гранка се регистрирани „минуси“.
Неодамна агенцијата Стандард енд Пурс потврди за досегашниот долгорочен кредитен рејтинг на Хрватска на ниво ВВ и краткорочен на ниво В со стабилни изгледи.