Срби од северниот дел на Косово денес поставија големи транспаренти на Брњачкиот мост и на браната на вештачкото езеро Газивода која ги поврзува Косово и Србија.
На транспарентот кој стои на браната пишува „Езеро Трамп“, а на мостот има порака која гласи: „Претседателе Трамп, косовските Срби Ви заблагодаруваат што воспоставивте мир“.
Преку овој чин, тие испратија порака за поддршка на американскиот претседател Доналд Трамп кој според нив придонел за воспоставување на мирот и развојот во овој регион како и за сите негови залагања за дијалогот меѓу Белград и Приштина.
Гестот на косовските Срби доаѓа откако во Белата куќа со посредство на Доналд Трамп беше склучен договор за нормализација на економските односи помеѓу Белград и Приштина.