Шефот на словенечката дипломатија Карл Ерјавец изјави денеска дека не знаел дека Словенија ќе биде ставена на листата држави сојузници на САД во борбата против Исламска држава, и ја исклучи можноста за ангажман во можните воени операции против терористичката организација.
– Мислам дека не би имало никакви проблми ако како министер претходно ме известија за ставањето на Словенија на списокот на Стејт департментот, истакна Ерјавец и додаде дека тоа ќе му го каже на американскиот амбасадор во Љубљана Џпзеф Мусомели.
– Словенија, ниту во кој било случај нема да учествува во воениот дел на операцијата против ИД, но е приврзана во борбата против тероризмот на различни начини.
Ерјавец додаде дека степенот на загрозеност на Словенија од екстремизам во моментот е многу низок.
Како пример на подготвеност државата да работи на сузбивање на исламскиот екстремизам ја наведе вчерашната акција во која полицијата кај два исламистички симпатизери во Љубљана и Врхника изврши претреси и заплени големо количество оружје.