Европскиот парламент во рамки на својата денешна сесија во Стразбур донесе одлука за исплата на 1,983 милиони евра отштета на Бугарија за справувања со последиците од ланските поплави.
Како што јави БТА, се очекува овие средства Бугарија да ги добие во текот на септември.
Средствата се наменети за санација на штетите нанесени врз јавната инфраструктура, како и врз приватни куќи, земјоделството, животната средина и фирмите за време на полавите што ја зафатија Бугарија во јули и август минатата година.
Покрај за Бугарија, Европарламентот донесе одлука и за исплата на помош и за Италија и Романија, кои лани исто така беа погодени од поплави.
Одлуката за исплата на отштетата за трите земји во вкупен износ од 66,5 милиони евра, ја поддржаа 667 европратеници, 31 беа против, а 11 се воздржаа од гласање.
Од вкупната отштета Иралија ќе добие речиси 56 милиони, а Романија 8,5 милиони евра.