ЕК: Србија се усогласи делумно со визната политика на ЕУ

Од:

Портпаролката за внатрешни работи на Европската Комисија потврди дека Србија делумно ги исполни барањата за визни услови со трети земји.

Портпаролката на Европската Комисија, Анита Хопер, попладнево на редовниот брифинг за новинари во Европската Комисија изјави дека Белград се усогласи со барањата на ЕУ за воведување на визи за граѓаните од Бурунди и Тунис, а земјата работи на дополнително усогласување со други земји.

Европската Унија бара од Србија, но и од сите други земји од Западен Балкан да воведат визен режим паралелен со тој на земјите од ЕУ, поради тоа што земјите од Западен Балкан се ослободени од туристички визи, и Европската Унија стравува дека баратели на азил од трети земји преку западнобалканските земји се обидуваат да влезат во ЕУ.

Анита Хопер истакна дека таканаречената „балканска рута“ на миграција во последниот период бележи зголемен број на пристигнувања.

Таа изјави дека се повикуваат земјите членки на ЕУ и агенциите на ЕУ да обезбедат силна соработка на терен и поддршка за земјите од Западен Балкан, со цел сочувување на Шенгенската зона.

Извор: МИА

Би можело да ве интересира

Медиуми: Ќе биде сослушана и мајката на осомничениот за убиството на Данка Илиќ

Орце Костов

Како убијците на Данка го признале делото: Возачот зборувал на влашки, соучесникот веднаш кажал што се случило

(ВИДЕО) Вучиќ: Вчера над Ваљево леташе балон или шпионски дрон, следниот пат ќе го собориме

Србија подигна воени авиони: забележан неидентификуван летачки објект

Предраг Петровиќ

Пукање во Белград, повреденото момче не и кажува на полицијата кој го нападнал

Вработена во српското МВР издавала фалсификувани пасоши