Актуелниот претседател на Српска и лидер на СНСД, Милорад Додик ја објави својата кандидатура за претседател на Република Српска за следниот мандат.
Ова го изјави на состанокот на Главниот одбор на СНСД.
– СНСД носи сила во себе и тоа е најголемата сила на Република Српска – рече Додик.
Додик порача дека моралот мора да биде единствен, постојан и упорен.
– Нашите победи мора да започнат денеска и од нас се бара истрајност, а за неуспехот нема оправдување. Мора да му служиме на народот – рече Додик.
Тој додаде дека Српска мора да води сметка Србија секогаш да биде на нејзина страна.
– Одлучноста на Српска и нејзината внатрешна структура никој не треба да ги доведува во прашање и затоа е важно и денес да ги избираме нашите тела за да ги носиме најдобрите одлуки – рече Додик.