Дваесет и двегодишна девојка денеска избоде тројца мажи во парк во Софија, а еден од нив е во тешка состојба, јавија бугарските медиуми.
Девојката е уапсено во меѓувреме.
Очевидци тврдат дека девојка со голем нож нападнала тројца минувачи во Саут Парк, пренесува бугарскиот портал „Новини“, додавајќи дека насекаде имало многу крв.
Еден од нападнатите, 21-годишен, бил прободен со нож во слезината и веќе бил опериран. Според порталот „BNT News“ тој е во тешка состојба.
Друг маж, на возраст од 51 година, бил прободен со нож во градите и бил примен во болница за лекување на раните. Неговиот живот не е во опасност.
„Новини“ пренесува дека на дотичната девојка претходно и била констатирана тешка психијатриска болест, дека била на лекување, дека пред неколку месеци била отпуштена, а за неа се грижела нејзината мајка.
Наводно, мајката и рекла на полицијата дека нејзината ќерка одбива да ги зема лековите што и биле препишани и дека нејзината состојба нагло се влошила последните денови.
„БНТ њуз“ пренесува дека сите психијатриски клиники во моментов одбиваат да ја примат 22-годишната девојка, поради недостаток на простор.