МВР пред неколку дена од албанската полиција добило информација за приведените две лица, кај кои се откриени преку 1.077 икони и предмети кои веројатно имаат културно-историско значење.
Според првичните сознанија на албанската полиција, добиени од разговорите со приведените лица, информира денеска портпаролот на МВР Иво Котевски, се сомнеаваат дека само три од пронајдените икони, потекнуваат од Република Македонија.
– Договорена е средба меѓу стручни лица од Македонија и од Албанија за да се изврши идентификација на иконите и ако биде потврдено дека потекнуваат од Македонија да може да се отпочне соодветна постапка за нивно враќање во земјава, изјави Котевски и додаде оти по дополнителните вештачења кои треба да се направат, не е исклучено да се зголеми бројот на иконите кои потекнуваат од Република Македонија.
МВР во соработка со Управата за заштита на културно-историското наследство и со МПЦ-ОА досега преку Интерпол има распишано потрага за 113 икони.
– Согласно сите податоци и карактеристики на иконите кои ги бараме, според оперативните сознанија, тие се изнесени од територијата на Република Македонија, рече Котевски.