Црна Гора и Хрватска се две пријателски земји кои тесно соработуваат на теми од двостран интерес, а разграничувањето на Превлака не е отворено политичко прашање, изјави денеска црногорскиот министер за надворешни работи Срѓан Дармановиќ.
Дармановиќ во интервју за Хина рече дека разграничувањето на Превлака за Црна Гора не е отворено прашање во политичка смисла.
– Имаме Протокол за привремен режим од 2002 година, што без поголеми проблеми се спроведува во пракса, рече Дармановиќ.
„Двете земји за ова прашање разговараат отворено, конструктивно, во пријателска атмосфера и доколку не успееме сами да дојдеме до двострано прифатливо решение, го дефинираме начинот за заеднички настап пред меѓународните институции“, рече шефот на црногорската дипломатија.