Дарко Младиќ, синот на генералот Ратко Младиќ, денеска изјави дека стравува оти неговиот татко неодамна доживеa и трет мозочен удар и оти Меѓународниот механизам во Хаг не го извести семејството за тоа.
– Мајка ми и јас сега се подготвуваме за итно патување во Хаг. Веруваме дека татко ми неодамна доживеа трет мозочен удар, а ние не сме известени. Симптомите се слични: тој е многу слаб, едвај може да зборува на телефон, изговара само еден или два збора, и тоа многу тивко – изјави Дарко Младиќ, пренесува „Спутник“.
Според него, затворските лекари не можеа да му дадат на семејството точна дијагноза за состојбата на Младиќ, но пријавија одредени промени во неговиот третман.