Српскиот премиер Ивица Дачиќ упати писма до амбасадорите на Германија, Австрија и Чешка во Белград и изрази сочувство по повод поплавите кои ги погодија државите.
Премиерот во писмата понуди помош од специјални екипи за реагирање во случај на поплави.
-Србија, Министерството за внатрешни работи и Секторот за вонредни состојби се подготвени да упатат помош во вашите држава во вид на специјален тим за брз одговор во случај на поплави, спасување и работа на вода, доколку тоа е потребно, стои во писмата.
Како што пренесуваат агенциите најмалку единаесет лица загинаа во поплавите во централна Европа, Германија, Чешка и Австрија.
Девет лица се водат како исчезнати во поплавите во горниот тек на Дунав, кој достигна највисоко ниво во последните 500 години.
Елена Георгиевска