Премиерот на Србија Ивица Дачиќ изјави дека Владата на Србија ќе го извести парламентот за преговорите со Приштина, кога ќе има напредок, додавајќи дека се уште нема договор.
Дачиќ истакна дека е договорено проблемот со паралелните институции на Косово да се реши со формирање на заедници на српските општини, но дека Приштина не прифаќа таа заедница да има карактеристика на извршна власт.
Премиерот на Србија истакна дека државата сака да го реши проблемот и би било добро да добие датум за почеток на преговори со ЕУ, но и Унијата треба да знае дека со недобивање на датум, ќе се убие дијалогот помеѓу Белград и Приштина.
Тој наведе дека Србија е конструктивна во преговорите и дека е проблем тоа што волјата на Белград, очигледно не наидува на добра волја од Приштина.
Ние немаме веќе каде да попуштиме – изјави Дачиќ по состанокот со министрите за внатрешни работи на Австрија и Унгарија.
Премиерот на Србија наведе дека владата за приговорите со Приштина ќе го информира парламентот.
Тој додаде дека за дијалогот со Приштина го известил и заменикот на државниот секретар на САД, Вилијам Бернс.